زەویلەرزەیگ دەێد لە ئەهواز ئیران
شەفەق نیوز/ میدیایل راگەیانن ئیرانی، ئمڕوو یەکشەممە، خەوەردان کە زەویلەرزەیگ داد لە شار ئەهواز ئیران لە پارێزگای خووزستان، باشوور خوەرئاوای وڵاتەگە، وتیش؛ توتی زەویلەرزەگە رەسیە ٥.٢ پلە لەبان پەیمانەی ریختەر.
ئاژانس خەوەری ئیرنا وت: زەویلەرزەگە لە ساعەت دوو و ٤٥ خولەک ئیوارە بویە، و فرەی دانیشتگەیل لە ناوچەیل پارێزگای ئەهواز هەس وە لەرزەگە کردن.
دانیشتگەیلیگ خەڵک بەسرە لە باشوور عراق وتن: هەس و تەکان لەرزەگە کردن.
لە وەختیگ رووژنامەی (القبس) کوەیتی وت: تووڕ نیشتمانی کویەت ئەرا رەوانگەکردن زەویلەرزە لە پەیمانگای کوەیت ئەرا تۆێژینەوەی زانستی وت: زەویلەرزەیگ وەتونی ٥.١ پلە لەبان پەیمانەی ریختەر خوەرئاوای ئیران توومار کردن، وتیش: زەویلەرزەگە وەقویلی ١٠ کیلۆمەتر لەژیر زەوی بویە.
وتیش: سەنتەر زەویلەرزەگە وەدویری ٢٤٤ کیلۆمەتر لە شار کوەیت بویە، فرە لە هاوڵاتیەیل هەس وەپی کردن.
