زەویلەرزەیگ دەێد لە کناراوەیل تایوان و یابان هوشداری لە تسۆنامی دەێد

شەفەق نیوز/ زەویلەرزەیگ دالە کناراوەیل تایوان و باکوور خوەرهەڵات یبان، هازەگەی رەسیە ٧،٢ پلە، و دەسەڵاتەیل یابان هوشداری لە رخ تسۆنامی دەرکردن.

پسپۆرەیل کەشوهەوا لە یابان هوشداری دان ک لە پارێزگای میاگی نزیک ئەو کناراوە ک سەنتەر لەرزەیل هاناوی، هاتێ  ئاست تسۆنامی بڕەسێدە یەک مەتر.

وتیش: ئیرنگە زانیاری نییە ئەگەر رەسیەسە کناراو میاگی، و هوشداری خەڵک ناوچەیل کناراوی لە نزیکەوبوین لە کناراوەگە کرد.

وەگورەی زانیاریەیل دەسەڵاتەیل یابان،  سەنتەر لەرزەگە کەفێدە قویلی ٦٠ کیلومەتر لە ژیر زەریا.

حکومەت یابانی ژووریگ ئۆپراسیۆنەیل فریاکەفتن دروس کرد.

وەگورەی ئاژانس  "كيودو"، زەویلەرزەگە نەڕەسیەسە ئامادەباشی لە دامەزراوەیل ئەتۆمی لەو ناوچە.