زەۊیلەرزەی تۊنیگ دەێد لە خوراسان

شەفەق نیوز/ زەۊیلەرزەیگ وە تۊنی 4.8 لەبان پەێمانەی رەختەر، شەفەق ئمڕوو یەکشەممە، داگە لە دەوروبەر شار ئارین شەهر سەر وە پارێزگای خۆراسان باشوور خوەرئەڵات ئیران.    

ناوەن توومارکردن زەۊیلەرزە سەر وە رێکخریاگ جیۆفیزیایی لە زانکۆی تاران وت: "زەۊیلەرزەگە لە ساعات پەنج و 8 خولەک ، شەفەق ڕووژ یەکشەممە، وە وەخت ناوخوەی خوەیان رۊی دایە".     ناوەنەگە وتیش؛ "قوڵتیسەی لەرزەگە وە دۊری 39کم لە شار ئارین شەهر و 55کم لە شار سێ قۆلعە  58کم لە شار قایین رۊی دایە".     

ئەبو ئەلحەسەن میرگلی، وەڕێوەبەر گشتی بەش قەیران پارێزگای خوراسان، وە  ئاژانس ئیرانای راگەیان:" تا ئیسە هۊیچ ڕاپۆرتیگ لە زەرەردەێل لەرزەگە نەۊیە".     میرگلی، وتیش: "چوار تیم کلکریانە ئەرا لێکۆڵینەوە لە بارودۆح ناوەێلە لە ئەنجام ئەو زەۊیلەرزەیلە شەفەق لە سنوری ئیدار مابەێن شەرەێل بیرگەند و قاینات و سەریان رۊیدایە".