دوو زەۊیلەرزە دەێدە  باشوور ئیران و لەرزە خەێدە وڵاتێل کنار

شەفەق نیوز/ ناوەن زەۊیلەرزە ئەوروپایی ناوراس، ئمڕوو یەکشەممە، راگەیان دوو زەۊیلەرزە وە تۊنی 6.5 پلە دادە باشوور ئیران، میدیایەێل ئیرانی باس زەرەردیلێگ کردن وەریان کەفتیە.  

ناوەن زەۊیلەرزە ئەوروپایی باسکرد ک زەۊیلەرزە وە تۊنی 6.5 پلە بۊیە وە دۊری 47 کیلۆمەتر لە شار بەندەر عەباس لە باشوور ئیران، وە قۊیلی 10 کم.    

وتیش؛ سەنتەرەگە تونیەگەی رەسیە  6.1 پلە.    

میدیایەێل ئیرانی راگەیانن، زەۊیلەرزەێگ وە 6.1 پلە لە بان پەیمانەی رێختەر داگە  "دورگەی قشم" لە کەنداو سەر وە پارێزگای هرمزگان باشوور ئیران وە ئیجا لەرزەێگ تر وە تۊنی 6.3 بۊیە.  

تووڕ راگەیانن باسکردن ک لەرزەگە وەلایەن  مەردم وڵاتەێل کنار وەتایبەتی ئیماراتو عومان و سعودیە هەس وەپی کریایە، مردن یەک کەس وە هووکار کەفتنە خوار سیم کارەبا لە بەندەر عەباس ناوەن پارێزگای "هرمزگان" لەوەر ئەو دوو لەرزە بۊیە.    

ناوەن توومارکردن زەۊیلەرزە لە ئیمارات وت: لەرزەگە وە جوور کەمێگ هەس وەپێ کریایە.     لاپەرەێل هەواڵ سعودیەش باسکردن ک دانشتوانەێل ناوچەی خوەرئەڵات شانشینەگە هەس وە لەرزی کەمێگ کردنە.