پزیشكيان: ئامادەیمن ئەرا هاوکاری لە پاڵپشتیکردن ئاشتی لە ناوچەگە
شەفەق نيوز/ مەسعود پزیشکیان سەرۆک ئیران، ئمڕوو چوارشەممە، دووپات لە ئامادەیی وڵاتەگەی کرد ئەرا هاوکاری لە پاڵپشتیکردن ئاشتی لە ناوچەگە.
پزیشکیان لە قسەیلی کە میدیایەیل ئیرانی بڵاوی کردن وت: پشتگیری لە ناوچەیگ بێ چەک ئەتۆمی کەیمن و چەکەیل ویرانکاری گشتی و مەرجیگ ئەوەیش قەوارەی سەهیۆنی بگرێدەو.
وتیش: ئیمە ئامادەیمن ئەرا هاوکاری لە خاسەوکردن رەوش ئەمنی و پاڵپشتیکردن ئاشتی لە ناوچەگە.
دۆناڵد ترەمپ سەرۆک ئەمریکا، ئمڕوو چوارشەممە، راگەیان کە دانوسەنین وەرد ئیران لە هەفتەی ئایندە دەسوەپی کەێد، و مەزەنە کرد بڕەسنە رێککەفتن.
ترەمپ لە وتاریگ لە لویتکەی ناتۆ وت: هاتێ رێککەفتنیگ وەرد ئیرانەو لە هەفتەی ئایندە بکەیمن، و ئەوەسا داوا لەلی کەیمن واز لە بەرنامەی ئەتۆمیی بارێد.
وتیش: ئیران و ئیسرائیل (شەکەتی و ڵەکەتن) لەوێ جەنگەگە، و دیاری کرد کە لە هەفتەی ئایندە چوەمان وە ئیرانیەیل کەفێد.
دووپاتیش کرد کە قسە وەرد کەسەیلیگ کردیمنە کە دویای کوڕەکە دامەزراو فۆردو دینە و وتنە وەتەواوی ویران بویە بڕوا نیەکەم جاریگ ترەک ئیران بچوودە ناو بەرنامەی ئەتۆمی.
