زەخمدارەیلیگ لە پەلاماریگ لە شار فرانکفۆرت ئەڵمانی
2021-01-26T15:05:05+00:00
شەفەق نیوز/ چەن کەسیگ لە پەلاماریگ لەلایەن پیاویگ وە چەقو، شەوەکی سێشەممە، لە شار فرانکفۆرت ئەڵمانی زەخمدار بوین، وەرجەیە دەسەڵاتەگان دەسکیری بکەن.
پۆلیس فرانکفۆرت لەبان تویتەر نووسان: هیچ کەس لە قوربانیەگان تووش زەخمەیل سەختیگ نەهات، وەبی ئاشکراکردنیگ لەباوەت پەلاماردەرەگە یا ژمارەی زەخمدارەگان.
ئێزگەی «هیسینشاو» ناوخۆیی وت: پەلامارەگە لە نزیک ویستگەی قەتار سەرەکی لە شارەگە وەچەقو بوی، و ئاماژە کرد ک قوربانیەگان ئەرا خەسەخانەیل بریان، وەگورەی ئاژانس ئسوشێتد پرس.
