زەخمداریەیل سەختیگ وە تەقەکردن فرەیگ لە بەیروت
شەفەق نیوز/ میدیایل راگەیانن، ئمڕوو پەنجشەممە، خەوەردان لە تەقەکردن خەسیگ لە دەورگرد کۆشک عەدل لە بەیروت پایتەخت لوبنان، لەپشت گردەوبۊن لایەنگرەیل حزبوڵڵا و بزووتنەوەی ئەمەل.
میدیایل راگەیانن وتن: دەورگرد کۆشک عەدل لە بەیروت، لە ناوچەی تەیونە ک شۊن گردەوبۊن لایەنگرەیل حزبوڵڵا و بزووتنەوەی ئەمەلە تا لەورەو رۊی وەرەو مانگرردنیان وەدژ دادوەر تارق بیتار بۆەن، شەوەکی ئمڕوو تەقەکردن خەسیگ وەخوەی دی.
کەناڵ "الجديد" باس ژاوەژاویگ لە ناوچەی تەیونە کرد و ئامادەباشی سەختیگ لەلایەن لایەنگرەیل بزووتنەوەی ئەمەل و حزبوڵا کرد، دۊیای تەقەکردنیگ لە یەکیگ لە بینایلە، و ماشینەیل فریاکەفتن لە خەوەر کەفتن چەن زەخمدارییگ رەسین.
لەلای خوەییش، ئاژانس رۆیتەرز وت: سێ زەخمدار لەلای کەمەو لە تەقەکردن بەیروت لەناو خۆپیشاندان حزبوڵڵا و بزووتنەوەی ئەمەل کەفتن.
هەرلیوا، دۊیای تەقەکردنەگە، سوپای لوبنانی پاڵپشتی گەورەیگ وەرەو ناوچەی تەیونە کل کرد.
