بەرزەوبوین ئامار کوشیاگ و زەخمدارەیل تەقینەوەی بەیروت

شەفەق نیوز/ نووسینگەی راگەیانن وەزارەت تەندروسی لوبنانی، شەممە، ژمارەی قوربانیەیل تەقینەوە گەپەگەی بەندەر بەیروت بەرزەوبوی  ئەرا ١٥٨ کوشیاگ.

وەگورەی بەیاننامەی نووسینگەی راگەیانن وەزارەت تەندروسی، ژمارەی زەخمدارەیل  تەقینەوەگە لە ٦٠٠٠ رەد کرد، و٢١ کەس هیمان بیسەروشوونە، وەگورەی ئامار رۆیتەرز.

دەزگایل دادوەری لوبنان لێکۆڵینەوە لە تەقینەوەگە کەن، ک دەسەڵاتەگان وتن لە ئامارکردن بڕ گەورایگ لە پێکهاتەی نەترات ئەمۆنیۆم بویەو، ک لە وەرجە شەش ساڵەو ها لە بەندەرەگە.