زەخمداری ١٧ خوەنەوار وە رویداو هاتوچو دڵتەزنیگ لە وڵات میسر
2022-12-25T13:21:04+00:00
شەفەق نیوز/ ١٧ خوەنەوار لە کوڕ و دویەت، ئمڕوو یەکشەممە، وە رویداویگ هاتوچو دڵتەزنیگ ناوبەین پاسیگ خوەنەوار زانکۆیگ لەناوی بوینە وەگەرد ماشین بارهەڵگریگ لە شار مەنسورە لە پارێزگای دەهلەقیەی باکوور قاهیرە زەخمدار بوین.
جینشین وەزارەت تەندروسی دەهلەقیە وت: رویداوەگە لەبان ری مەنسورە - جمسە بویە لەوەردەم ئاوای قاتە لە ناوەند بلقاس لە دەهلەقیە، لەناوبەین ئوتوبوس زانکۆی خوری لە پارێزگای دومیات و ماشین بارهەڵگر قورسیگ بویە.
دیاری کرد ک رویداوەگە بویە هوکار زەخمداری ١٧ خوەنەوار لە کوڕ و دویەتەوەگەرۆ رانندەی پاسەکە ک لەناوبەین پاسەگە و بارهەڵگرەگە گیر هاتوێد، و وەرگری شارستانی دەری کردن.
