زیاتر لە 60 لەسەد سودانیەیل هەوەجە وە دەسمیەتی کەن
2024-02-10T12:22:45+00:00
شەفەق نیوز/ وەپای ئاماریگ نەتەوە یەکگرتگەیل لەوەر دروسبوین جەنگ و ئاڵنکاریەیل لە وڵات سودان زیاتر لە 25 هەزار هاوڵاتی سودانی هەوەجەی دەسمیەتی کەن.
وەپای ئامار وڵاتەگە، زیاتر لە 10 ملیۆن سودانی واینە لەماوەی ئەو دە مانگ جەنگە و 15 ملیۆنیش لەو ناوچەیلە جەنگ هاناوی گیرخواردنە هویچ سەرچەوەی داهاتیگ نەیرن و رویوەروی رخ و ورسگی بوینە و هاتێ وڵاتەگە دوارە رویوەروی ورسگی گەپیگ بوود.
راپۆرتەیل نەتەوە یەکگرتگەیل و رێکخریاگەیل ناودەوڵەتی دیاریکەن، زیاتر لە 25 ملۆن سودانی واتە نزیکەی 65٪ کووی دانشتگ ئەو وڵاتە کە 42 ملیۆن کەس کەێد هەوەجە وە دەسمیەتی خوەراکی دەسوەجی کەن.
لە دیارترین رویداو ورسگی کە وە سەر وڵاتەگە هاتیە لەساڵ 1888 رویدایە کە وە ورسگی ساڵ شەشەم ناسریاگە و وە مدوویەو سەدان هەزار کەس لە وڵاتەگە گیان لەدەسدان.
