زیاتر لە ٦٠٠ کوشیان و زەخمداری لە ئەنجام تەقەکردن و رویوەڕیوبوین لە سودان
دەسەگە لە بەیاننامەیگی ئمڕوو یەکشەممە، وت: سودانیەیل شەوەکی ١٥ی نیسان ٢٠٢٣، لەبان کەلەمەی رویوەڕیوبوین ناوبەین هیزەیل گەل چەکدار و هیزەیل پاڵپشتیکردن زوینە هاتنە خەوەر، ک ئی رویوەڕیوبوینە رەسیە کەفتن شمارەی گەورەیگ لە کوشیان و زەخمداری.
بەیاننامەگە وتیش: ئیمە داوای بەرزەوکردن دەنگ عەقڵ و وسیان کوتپڕ ئەو تەقەکردن هەڕەمەکیە کەیمن، ک بیگوناهەیل مەدەنی بیچەک لەلی بوینە قوربانی، و بایەتە ری ئارامیگ ئەرا مەرقەزکردن ئەو کەسەیلە واز بکریەێد ک گیر هاتنە و زەخمدار بوینە.
دەسەگە وتیش: بەشیگ لە زەخمدار و کوشیاگەیل سەربازی هەواڵەیان ئەرا خەسەخانەیل کریا، و بڕیگیان دەسمان وەپیان نیەڕەسێد، تا بزانیمن چەنیگ زەخمدار و کوشیاگ لەناو مەدەنیەیل هەس، و نەتوەنستیمن بڕەسیمنە خەسەخانەیل لەوەر سەختی جویلەکردن و لەوەر ئەوە ک هیزەیل نوای ماشینەیل گرن.
ئامار کوشیاگەیل لە خەڕتووم رەسیە ٢٥ کەس، لەلیان ١٧ مەدەنی و ٨ سەرباز، وەگەرد ٣٠٢ زەخمدار.
لە بەحری ٨ کەس کوشیان، ٧ مەدەنی و یەک سەرباز، وەگەرد ٨٦ زەخمدار.
لە ئومدەرمان، ١١ کوشیاگ، ٧ لەلیان مەدەنیە و ٤ سەرباز، وەگەرد ٤٢ زەخمدار.
لە هەرێمەیلیش، رەسیە ٢٥ کوشیان لە مەدەنی و سەرباز، وەگەرد ١٦٥ زەخمدار.
