رویداویگ تەقینەوە لە پاڵاوگەی نەفتی ئافتاب لە بەندەر عەباس ئیران رویدا
2024-03-07T12:53:42+00:00
شەفەق نیوز/ شەوەکی، ئمڕوو پەنجشەممە، رویداویگ تەقینەوەلەناو پاڵاوگەی نەفت ئافتاب لە شار بەندەرعەباس ئیران رویدا و بویە هووکار مردن کەسیگ.
وەپای خەوەریگ لە سایت خەوەری "باشگاە خبرنگران جوان"، کە بابایی لەبەش پەیوەنی گشتیەیل کۆمپانیای نەفت ئافتاب بەندەر عەباس وە دیاریکرد ئەرا رویداوگەی پاڵاوگەی نەفت ئافتاب بەندەرعەباس وە وت: رویداوەگە نزیکەی ساعەت 11 و 30 خولەک وەرجە نیمەڕووی ئمڕوو رویدایە وە هووکار گیچەڵیگ تەکنیکی لەناو یەکیگ لە پاڵاوگەیلە بویە.
حەبیب بەهادری فەرماندار بەندەرعەباس وت: لەی رویداوە یەک نەفر گیان لەدەسدایە و نزیکەی سێ نەفەر زەخمداربویە کە یەکیگیان بارودۆخی ناجیگیرە.
ئاشکەرایکرد، ئەوەگ گیان لە دەسدایە پیاویگ 38 ساڵانە کە خەریک کارکردن بویە.
