ئەردۆغان: 10 هەزار سەرباز تورکیا کوشیان و دوو ترلیۆن دۆلار لە جەنگ پەکەکە زەرەر کردیمنە

شەفەق نیوز - ئەنقەرە/هەولێر

ئمڕوو شەممە، ڕەجەب تەیب سەرۆک کۆمار تورکیا راگەیان، وڵاتەگەی چگەسە ناو قۆناغیگ نوو، دویای ئەوەیگ پەکەکە راگەیان چەک دانەێد و بەشداری چالاکی سیاسی لە تورکیا کەێد.

یەیش  لە وتاریگ هات کە لە ئەنقەرە ئەرا جەماوەریگ فرە پێشکەشی کرد و لێدوان لەبان ئەوەگ دا  کۆمەڵیگ چەکدار پەکەکە لە پارێزگای سلێمانی لە هەرێم کوردستان چەکەیلیان دانان و لەناوی بردن.

 لە وتارەگە دیاریکرد،  نزیکەی 10 هەزار سەرباز تورکیا لە جەنگ دژ پەکەکە کوشیانە و وڵاتەگەمان لە ماوەی جەنگەگە نزیکەی دوو ترلیۆن دۆلار ئەمریکی لەدەست دایە کە نزیکەی پەنج دەیەس درویژەکیشاس.

 دیاریکرد، "لە دویکەو، بەڵای تیرۆر کە ٤٧ ساڵە بەردەوامە، وە کۆتایی چگە"، ئوشێد "ئمڕوو رووژ نویگە و لاپەڕەی نوویگ لە مێژوو هەلدریا،  ئمڕوو دەر   تورکیای گەورە و هازدار وە  فراوانی وازەوبوی".

ئەردۆغان هەمیش لە قسەیلی ئەرا   جەماوەرەگە  وت: دڵنیابوین کە ری نیەیەیمن کەرامەت کۆمار تورکیا پێشێل یا ژیردەسە بکرێد، ئیمە لەبان بنەمای ئی لەیەکفامستنە درویژە وە پڕۆژەی 'تورکیایگ دویر لە تیرۆر' دەین، دووپاتیشکرد  کە "گشت کاریگ  کەیمن ئەرا تورکیا و گەلەکەمان و سەروەخۆییمان و بانانمان.