ئیران وازکردن بەشیگ لە مژار ئاسمانیاگەی راگەیان

شەفەق نیوز/ دەسڵاتدارەیل  ئیران راگەیانن بەشیگ  مژار ئاسمانی وە روی گەشتەیل ناوخوەی و دەرەوەی وڵات وازکریا، لەدویای ئەوەگ جموجویلەیل ئاسمانی وە روی گشت فرۆکەخانەیل وڵات وسیا، لەوەر ئەو جەنگە 12 رووژە وەرد ئیسرائیل و کۆتایهاتنیوە ئاگربەست ناوەین هەردووگ لا.

قسەکەر وەزارەت ریگەوبان ئەوزەڵداین شارەیل ئیران ماجید ئەخوان لە بەیانیگ ئەرا تەلەفزیۆن فەرمی ئیران ئاشکرایکرد "وەپشت بەسان لەبان بڕیار لیژنەی هەماهەنگی فرۆکەوانی مەدەنی و سەربازی لە رێکخریاگ فرۆکەوانی مەدەنی، لەدویای مەزەنەیل هویردیگ و ئاسایش و ئاشتی، بڕیا وازکردن مژار ئاسمانی دریا لە نیمەی خوەرهەڵات وڵاتەگە، وە ئامانج گلەوداین بارودۆخەگە ئەرا بار ئاسایی وەرد مسۆگەرکردن بەرزترین ئااسایش و بیوەیی.

وتیش؛ " وەرپرسە ئیرانیەگە وتیش، بڕیارەگە گشت گەشتەیل ناودەوڵەتی گرێدەو، وەرد گەشتەیل ناوخوەیی و دەرەوە کە دەرچێد یا تێدە ناو یەکیگ لە فرۆکەخانەیل خوەرهەڵات وڵاتەگە وە تەنیا.

بڕیارەگە لەدویای ئەوەگ تێد کە لە وەرین دەسەی فرۆکەوانی مەدەنی ئیران راگەیان، بڕیار بەسانن مژار ئاسمانی ئیران تا ساعەت دوو نیمەڕوو رووژ پەنجشەممە درویژەوکرێد.