ئیران ئویشێد هویچ پەیوەندییگ وەو کەسە نەیرێد ک پەلامار روشدی داگە
شەفەق نیوز/ ناسر کەنعانی، قسەکەر وەزارەت دەرەوەی ئیران، لە کۆنگرەیگ رووژنامەوانی، ئمڕوو دووشەممە، وت: نووڕستیمنە باوەتەگە لەڕی راگەیانن، هویچیگ لە جیوەجیکەر پەلامارەگە نیەزانیمن، تەنیا ئەوەگ لە میدیایل خوەرئاوایی ژنەفتیمن، و یەکجاری رازی نییمن پەیوەندی وە ئیران داشتوود.
لە باوەت ئەو پەلامارە لەبان روشدی، کەنعانی وت: گلەیی لە کەسیگ نیەکەیمن بیجگە روشدی و پاڵپشتەیکەرەیلی، ک لە کڕ سوور موسەڵمانەیل و لایەنگرەیل ئاینەیل ئاسمانی رەد کرد، و خوەی خستە وەر خوسەی جەماوەری چوینکە دەسدرۊژی لەبان پیروزەیل ئاین ئیسلامی و پەیغەمبەریگ خودایی کرد.
قادر پرسیار کرد، ئەگەر پشتگیری ئازادی قسەکردن کەن، ئەڕا رای هویرکەرەیل لە بەشیگ لە باوەتەیل نیەڵگرن..و ئەرا دووچەوەکی لەلای خوەرئاوا دوینیمن؟
وتیش: شەرمەزار سووکایەتی وە ئایەنەیل ئاسمانی کەیمن، لە روی یاسایی نەبایەت شەرمەزار پەلامارداین روشدی بکریەێد وەبی شەرمەزارکردن سووکایەتیی وە ئاین ئیسلامی.
