ئیران فەرمان لەسێدارەدان لەبان کەسیگ وە توومەت ئاژاوەناین دەرکەێد
شەفەق نیوز/ دەسەڵاتەیل ئیرانی، ئمڕوو چوارشەممە، دەسگیرکردن دوو تیرۆریست لە سراوان راگەیان، و ٢١ لە ئاژاوەنەرەیل لە بازاڕ تەهران راگەیان، و فەرمان لەسێدارەدان لەبان یەکیگیان دەرکرد.
وەگورەی ئاژانس (ئیرنا) فەرمی ئیران، دوو تیرۆریست چەکدار لە شار سراوان لە پارێزگای سیستان و بلوشستان راگەیان، و دەسناین وەبان ٦ چەک، وتیش؛ ئی دوو تیرۆریستە پلان جیوەجیکردن کارەیل خواوەکاری لە سیستان وبلوشستان داشتنە.
عەمید مەهدی حاجیان قسەکەر فەرماندەیی هیزەیل ئاسایش ناوخوەیی دەسگیرکردن ١١ لە ئاژاوەنەرەیل لە بازاڕ تەهران راگەیان، ئەوەیش دویای هەڕەشەداێن خاوەن دوکانەیل تا دوکانەیلیان بوەسن، دیاری کرد ک ئەوانە پەرتوک بەشەو کردنە و دروشم هەڕەشەی خاوەن کاروبارەیل وتنە ئەگەر دوکانیان واز بکەن، باوجی ئی پیلانە شکست هاوردن هەنای پولیس لە وەخت خوەی رەسی.
هەرلیوا، ناوەند راگەیانن دەسەڵات دادوەر ئیران وت: دویای دادکردن بڕیگ لە توومەتبارەیل وە ئاژاوە لە پارێزگای تەهران، یەکەم فەرمان سەرتایی لەلایەن دادگای شوڕش لە تەهران دەرچگ، وە سزای لەسێدارەدان لەبان یەکیگ لە توومەتبارەیل، و ٥ تا ١٠ ساڵیش زیندانی لەبان پەنج توومەتبار.
