ئیران راگەیان بەرهەمەیل نەفتیی رەسیە ئاست وەرجە سزایلە

شەفەق نیوز/ وەرپرسیگ ئیرانی خەوەردا  ک ئیران توانای بەرهەمهاوردن نەفت لە وڵاتەگەی ئەرا وەرجە دانان سزایلە لە ساڵ 2018 ئاشکەرا کرد، ک ئەمریکا دۊای کیشانەوەی  لە رێککەفتن ئەتۆم سزای تونیگ وەبان ئەو وڵاتە سەپان. 

موحسن خەجستەمیهر وەڕێەوەبەر جێوەجێکار کۆمپانیای نەفت نیشتمانی ئیران وە ئاژانس ئیرنای فەرمیی وڵاتەگەی راگەیان، “بەرهمهاوردن نەفت وڵاتەگەمان گلەوخواردیە ئەرا  ئاست وەرجە سزاگان”. 

ئیسە ئیران هالە دانوسەنین وەگەرد گەورە وڵاتەیل جەهان ئەرا گلەوداین رێککەفتن ئەتۆمیی 2015، ک توەنێد تائاستیگ سزاگان ئەو وڵاتە کەم بکەێد وەتایبەت لەرۊ هەناردەکردن نەفت، لەوەرانوەر مەرجدارکردن بەرنامە ئەتۆمییەگەی. 

ئەمریکا لەماوەی سەرۆکایەتیی دۆناڵد ترەمپ کیشانەوەی لە رێککەفتن ئەتۆمیی 2015 ڕاگەیان، و جاریگتر  سزاگان گلەودا وەبان تاران، دۊاجار تاران وەشیوەی پلە وە پلە دەستبەرداربۊن لە پابەنبۊن وەئەو ڕێککەفتنە جیوەجیکرد. 

ئەو وەرپرسە ئێرانییە باس لەوەکرد، ئاست بەرهەمهاوردنیان ئەرا وەرجە سزاگان چگە وە تێکڕای 3.8 ملیۆن بەرمیل رووژانە. 

دووپاتکرد، “لەئەگەر ئاڵۆزیی دۆخ بازاڕ وزەی جەهان ئیران توەنێد سەقامگیری ئەرا بازاڕ وزە بارێد”.