ئیران ریگری لە سەفەرکردن خانەوادەی "ئەمینی" کەێد ئەرا وەرگردن خەڵات "ساخارۆف"
2023-12-09T13:37:19+00:00
شەفەق نیوز/ دەسڵاتدارەیل ئیرانی، ریگری لە ئەندامەیل خانەوادەی، مەهسا ئەمینی کەێد کە لە سبتەمبەر 2022 کووچ دویاییکرد و خوەنیشاندان فراوانیگ لە وڵاتەگە دروسکرد، وە نیازبوینیە ئەرا وەرگردن خەڵات "ساخاروف" کە وەلایەن پەرلەمان ئەوروپا وە ئەو دویەتە گەنجە بەخشریا وەربگرن وڵات وەجی بهیلن، وەپای ئەوەگ پارێزەرەگەیان، ئمڕوو شەممە، خەوەردا.
شیرین ئەردەکانی، وە ئاژانس فرانس پرێس، راگەیاندیە، داڵگ و باوگ مەهسا ئەمینی وەرد براگەی "قەیەغەی سواربوینیان کریاس لە فرۆکە کە بڕیاربوی ئەرا فەرەنسا بچن تا خەڵات ساخاروف وەربگرن.. لە نیمەشەو دویەکە هەرچەنە ڤیزای چگنە ناویش داشتنە".
وتیش: "پاسپۆرتەگانیان دەسگنریاس وەبانیان"، لە وەرانوەر یەیش دەسڵاتدارەیل ئیرانی هویچ بەیانییگ نەيانە.
پەرلەمان ئەوروپا لە ئۆکتۆبەر خەڵات ساخارۆف ئەرا ئازادی هویرەوکردن بەخشیە مینا ئەمینی، کە گرنگترین خەڵاتە لە مژار ماف مرۆڤ لە یەکێتی ئەوروپا.
