دوو گورانیچڕ کورد بەربژێر کریان ئەرا خاسترین گورانیچڕ لە ڤیستواڵ ناودەوڵەتی عراق
2023-08-17T10:04:19+00:00
شەفەق نیوز/ ڤیستیواڵ ناودەوڵەتی عراق ئەرا یەکەمینجار لە بەغداد وەڕیەوەچوود، و خەڵات خاسترین دریەێد وە هونەرمەنەیل بەربژێرکریاگ لە مژارەیل میوزیک و فلیم و درامای تەلەڤیزیۆنی.
لە گورانیچڕە بەربژێرەیل وەرگردن خەڵات خاسترین گورانیچڕ ساڵ ٢٠٢٣، دوو هونەرمەن کورد دەسنیشانکریان، لە خانمەیل پەرواز حسێن و لە پیایەیل عەمار کوفی کێبڕکێ وەرگردن خەڵات خاسترین گورانیچڕ کەن هاشان وەرد گورانیچڕەیل نانسی عەجرەم، راغب عەلامە، ئەلیسا، شیرین، کازم ساهیر و هونەرمەنەیلتر.
لە فلیمیش، فیلم سینەمایی کوردی ئەزموون بەربژێر کریایە ئەرا وەدەسهاوردن خەڵات خاسترین فیلم سینەمایی.
لیژنەی داوەرەیل ئەرای دیاریکریایە و هەمیش مەردم توەنن لەڕی لینک سایت فەرمی خوەیان دەنگ وە خاسترین و دڵخوازەگەی خوەیان بیەن.
