ئیران.. داعش خوەی کەێدە خاوەن پەلامار بان مەزارە ئاینیەگە

ئاژانس ئیرنا وت: مەنزڵگای شاه چراغ لە شار شیراز ناوەند پارێزگای فارس باشوور وڵاتەگە، ئیوارەی یەکشەممە، کەفتە وەر پەلاماریگ تیرۆری، چوار کەس لەناوی زەخمدار بوین.

ئاژانس خەوەری فەرمی لە زوان وەرپرسەیل مەزارەگە وت: ٤ کەس لە کار خزمەتکردن مەزارەگە، و دوو لە زیارەتچیەیل لە تەقەکردنەگە زەخمدار بوین.

ئاژانسەگە وتیش؛ زەخمەیل ئەو کەسەیلە فرە سەختە، و خەوەر لە مەدن یەکیگیان هەس.

لەلای خوەییش، میدیایل راگەیانن ناوخوەیی وتن؛ لەلای کەمەو کەسیگ لەو پەلامار تیرۆریە لەبان مەزارە ئاینیەگە کوشیایە، و ٧ کەسیش زەخمدار بوینە.

هەرلیوا، وەرپرس مەنزڵگای شاه چراغ وت: هیزەیل ئەمنی یەکیگ لە پەلاماردەرەیل دەسگیر کردن، و مینەی ئەوەکە کەن.