ئۆپراسێونیگ نهێنی لەلایەن مۆساد ئەرا بردن ئاژەڵیگ لە ئیران
شەفەق نیوز/ ئیسڕائیل دوو رێن لە ئاسک فارسی دیرێد، ک نزیک فەوتان بوی، وخاسی مەنین ئی ئاسکەیلە چوودەو ئەرا گرنگی داین وپێشکەفتن لە پزشکی ئاژەڵی، و هەمیش ئەرا ئۆپراسیۆنیگ هەواڵگری لەلایەن دەزگای مۆساد ئیسڕائیل.
وەگورەی راپۆرتیگ لەلاین رۆژنامەی «جیورزالیم پۆست» وەو جوورەگ لە سەردەم کۆن نووسیاگە، ک ئاسک فارسی لە ئیسڕائیل ئەوزەڵ کردگە، و لە چەن ساڵیگ گوزەیشتە وە فەوتیاگ دانریاوید، تا لە پەنجاگان سەدەی گوزەیشتە ئیسڕائیل زانست ک بڕیگ لەی ئاسکە لە ئیران هەس.
دویای ئەو ئاشکراکردنه، دەسەڵات ژینگە و باخچەگان، وە سەرپەرشتیاری جەنیڕاڵ ئەفڕاهام یوفی، دەسکردنە هاوردن ئەو بنچینە ک هالە هەڕەشەی فەوتان ئەرا وڵاتەگەی، دویای دەسکردن وە هەڵمەتیگ ئەراک مقەیەتی ئەو ژیان دەیشتەکیە، ک لە تەوڕات نووسیاگە.
یەیش وەگەرد بەرنامەیگ هات ئەرا ئیوەت کردن ئاژەڵ لە باخچەی ئاژەڵەیل ئۆپڵ لە ئەڵمانیا، ک توێنستن بیلن تەنیا مایەیگ لە ئاسک فارسی لە ئاسک نیرەیگ کەڵ بگرێد.
هەنای ئیسڕائیل بڕیار دا ئاسکە نیرەگە لە ئەڵمانیا بکەفێدە دەسی، نموونەیل مایەگان لەلیان دویر بوی، ئەراوە ئیسرائیل تەقەلای هەماهەنگی وەگەرد شاه ئیران دا، ئەرا هاوردن دوو ئاسک لەو رێنەیلە ک هانە ئیران.
تا یوفی خوەی ئەرا ئیران چگ، تا ئاسکەگە لە برای شاه بارێد، بەڵکم یوفی لەوەخت رەسینی ئەرا ئیران تووش بیماری دڵ هات، ک پلانەگە دویاخریا، تا شاه هەس کرد وە شۆڕش نزیکیگ لە دیسەمبەر ١٩٧٨، ک هیشت ئیسڕائیل لایەنگرەیلیگ لە مۆساد رەوانە بکەێد تا ئاسکەگە وەدەس بارن.
ئیسڕائیل لایەنگریگ لە مۆساد رەوانەکرد، گوایە زانای ئاژەڵە وەناو فان جریفینوک، دەوانچەیگ لە شیوەی گوچانیگ هەڵگردوید، بەڵکم کەسیگ لەولا نەوی تا پێشوازی لەلی بکەێد، چوونکە شاە لە دویای شۆڕشەگە لە ئیران دەرچگە.
راپۆرتەگەی «جیورزالیم پۆست» وتیش؛ کابرای مۆساد توێنست شوون ئاسکەگە دیاری بكەێد، و وەگەرد چوار مایە ئەرا ئیسڕائیل بارێدەیان.
وەگەرد گوزران ساڵەیل، و لە خاسی ئیوەت کردن و مقەیەتی، ئیسڕائیل توێنست دەیان لەو ئاسکەیل فارسیە وەدەس بارێد، ک ژمارەی ئەو ئاسکە لە ناوچەی جەلیل باکووری رەسێدە دەور ٢٠٠ تا ٣٠٠ و ٩٠ لەسەد لەلیان لە تەپەبل یەهودا ئەوزەڵ کەن، وکەمیگ لەلیان لە کویەی کارمل.
