ئەرا یەکەمین جار لە دۊای 13 ساڵ... گالۆنیگ بەنزین لە ئەمریکا 4 دۆلار رەدکەێد
شەفەق نیوز/ نرخ بەنزین لە کالیفۆرنیا رەسیەسە ئاستیگ پەێمانەیی، فەرەیگ لە ولایەتەیل ئەمریکا وەگەرد خەراوی بەرزەوبۊن نرخ وزە لە سەرانسەر وڵات رۊەرۊ بۊنە، وەرجە پشووی سوپاسگوزاری.
ئاژانس بلۆمبێرگ ئەمریکی باس کەێد، ناوەن نرخ بەنزین لە وڵاتەیل یەکگرتگ ئاست 4 دۆلار رەرد کرد ئەرا یەگ گالۆن ئەرا یەکەمجار لە ماوەی 2008 تا ئیسە، دیاریکرد ئاشکەراس بەرزەوبۊن نرخ وزە پەیوەنی وە زەرەردیل وەکارهێنەریل دیرێد لەماوەی جەنگ رووسیا و ئۆکرانیا.
باتریک دیهان، سەرۆک بەش شیکاریکردن مادەیل پترۆلی لە کۆمپانیای " گاز بادلی" (GasBuddy LLC)، وت؛ نرخەیل بەنزین لە بەرزەوبۊنە لە وێستگەیل وزە بەرزەوبۊیە وە بڕ 41 سەنت لەماوەی هەفتەی گوزەشتە وە جیاوازی 10 سەنت لەبان ئاست پەێمانەیی ک رەسییە 4.103 دۆلار ئەرا یەک گالۆن.
وزەیل ماشین پەیوەندی وە بەرزەوبۊن وەرچەویگ لە نرخ نەفت دیرێد، ک گەپترین بەرزەوبۊن هەفتانە لە میژوو توومار کریا، چۊنکە بسینەیل خویان لە بەرهەمەیل رووسیا درۊر خستنە ک وە دۊەم گەپترین سەرچەوەی لە جەهان توومار کریەێد.
لەوەر رووشنایی ئەو نرخەیلە وەبان وێستگەیل وزە نۊسریاگە لەسەرانسەر وڵاتەگە، وەخێرایی بەرزەوبۊین فرەیگ لە نرخ بەنزین کاریگەری دروسکردیە وەبان وەکارهاوەریل ئەمریکی ک نیگەرانن لە رێژەی بەرزەوبۊنەگە.
