راپۆرت: رووژانە ٢٥٠ تەقەلای خوەیکوشتن لە ئیران
شەفەق نیوز/ لەپشت خەوەرەیلیگ لە تەقەلای خوەیکوشتن ٨٤ کەس وەیەک رووژ لە تەهران، پزشکیگ دەروینی لەبنەمای ئامارەیل دامەزراوە فەرمیەکان ئیران لە ساڵەیل گوزەیشتە، وت: رووژانە نزیکەی ٢٥٠ تەقەلای خوەیکوشتن لە وڵاتەگە بوود.
لەی باوەتە، ئەمیر حسێن جەلالی، پزشک دەروینی، لە وتاریگ وەگەرد رۆژنامەی «هەمشەهری» ئمڕوو دووشەممە، وت: رووژانە نزیکەی ١٣ تا ١٤ مردن وەخوەی کوشتن لە ئیران دیریمن، و رێژەی تەقەلاکان دووقات ئی ژمارەس، ک نزیکەی ٢٥٠ تەقەلای خوەیکوشتن رووژانە لەی وڵاتە هەس.
وتیش؛ پارەکە، پارێزگای تەهران، هەر رووژیگ دوو یا سێ تەقەلای خوەیکوشتن تۆمار کرد، ک رووژیگ ٤٠ - ٩٠ تەقەلای خوەیکوشتن لەی پارێزگا هەس.
هەرچەن قسەکەر وەناو فریاکەفتن کۆمەڵایەتی ئیران، قسەیل رۆژنامەی هەمشەهری رەت کرد، راپۆرتیگ لە تەقەلایل خوەیکوشتن نووسان؛ ک ناونی ١٠ تا ١٢ کەی لەلیان مردگە و ئەواکان رزگار کریان.
لەلاییگ تر لە باسەگەی پزشک دەروینیەگە وت: تەقەلایل خوەیکوشتنەکان وەگەرد وەردەوامی پەتای کۆڕونا زیایەو بوی، وتیش؛ هەرچەنی ئی قەیرانە وەردەوام بوود ئەگەر خوەیکوشتن کەسەیل زیایەو بوود.
