راپۆرتیگ باس کەلەمەی گەپیگ کەێد کەس لەلی قورتار نێوود
شەفەق نیوز/ راپۆرت نوویگ لەلایەن پسپۆڕەیل ناودەوڵەتی ک پەیوەندی وە کەشوهەوا دیرێد، زەنگ رخیگ لە گەرمی کوتا، ک وەکردەوەی ئایەم بۊە.
ئەو راپۆرتە ک لە هەزاران لاپەڕە نۊسیاگە، ئۊشێد نشانەیل کەلەمی گەرمەبۊن کەشوهەوا بۊە رراسییگ ک هەر لە ئیسەو هەس وەپی کەیمن، و وەگەرد گشت زیایبۊنیگ ئەگەر کەمیش بۊ لە گەرمی زەۊی، وەگەرد زیادبۊن ئاگر و تاویان یەخ.
ک وەگەرد هشکەساڵی و گەرمی و لافاو و ئاگرەیل و نەمان ئاسایش خوەراک و کەمی ئاو و بیماریەیل و بەرزەوبۊن ئاست ئاو، ئەوەسا ٣،٣ تا ٣،٦ ملیار کەس، ک نیمەی دانشتگەیل بان زەۊ کەێد، خوەیان لە سەختی دۊنن.
راپۆرتەگە مەزەنەی فەوتان ٣ تا ١٤% لە چینەیل بان زەۊ کرد وەگەرد بەرزەوبۊن گەرمی تەنیا ١،٥ پلەی سەدی، و لە رەسین ٢٠٥٠ یەک ملیار کەس لەبان کناراوەیلە کەفنە وەر رخیگ.
و ئەگەر لەبان پابەندیەیل ئیسە بمینن، مەزەنە هەس تەکان دوانەی ئۆکسید کاربۆن لەی دە ساڵە بڕەسێدە ١٤% ، ویەیش کارەسات گەورەیگە.
ئەنتۆنیۆ گۆتێرێش سکرتێری گشتی نەتەوە یەکگرتگەیل پەنجەی توومەت وەڕۊ ئەو دەوڵەتەیلە دڕا کرد ک تەکانەیل فرەیگ مەرەقەز کەن، ک ئاگر تەنیا ماڵمان دەن.
گۆتێرێش وتیش: لە ژیانم راپۆرتەیل فرەیگ دیمە، باوجی هۊچیان جۊر ئی راپۆرتە نییە.
