رەزایی لەڕوی واشنتن وسێد: یۆرانیۆم پیتینریاگ لە ئیران دەر نییەچوود
شەفەق نیوز - تاران
ئەمیندار ئەنجومەن باڵای ئاسایش نیشتمانی ئیرانی، لیوا موحسین رەزایی، رووژ چوارشەممە، دووپات کرد، کە ئیران تەنانەت یەک گەردیلەیش لە مادە ناوەکییە پیتینریاگەیل لە خاکەیلی دەر نییەخەێد.
رەزایی، لە دیمانەیگ وەرد "مەیادین"، کە ئاژانس شەفەق نیوز وەدۊای کەفت، وت کە "هەر پەلاماریگ ئەمریکی نوو رۊوەرۊی ئامانجگردن بنکە سەربازییە ئەمریکییەیل بوود، تەنانەت دۊرەیل لەلیانیش"، وە دووپاتکردن ئەوە کە دواییهاوردن جەنگەگە لەبان گشت بەرەیل لە خوەراوای ئاسیا، و وە تایوەت لوبنان، نۊنەرایەتی یەکیگ لە مەرجە بنەڕەتییەیل ئەرا ئیران کەێد.
ئەمیندار ئەنجومەن باڵای ئاسایش نیشتمانی ئیرانی زیای کرد: "دووسەیل رووس ئاگادار کردیمە کە مادە پیتینریاگەیل لە ئیران مینن، و خوەمان وەکاریان تیاریمن".
رەزایی هەمیش وت: "ئیمە هەوەجەمان وە مادەیل پیتینریاگە ئەرا دیزاینکردن و سازین کەشتییەیل و ژیردەریاییەیل کە وە وزەی ناوەکی کار کەن".
هەمیش باس توانایەیل ئیران لە بوار جەنگ ئەلیکترۆنی کرد، و وت: "رەسەیمنەسە ئاستیگ پیشکەفتگ لە جەنگ ئەلیکترۆنی کە ری وەپیمان دەێد وە کۆنترۆڵکردن لەبان فڕۆکەیل بیفڕۆکەوان ئەمریکی و نیشاننیان ئەرا بان زەۊی".
جی باسە کە سەرۆک ئەمریکی دۆناڵد ترەمپ، شەفەق سێشەممەی گوزەشتە (وە وەخت بەغداد)، دووپات کرد کە جەنگ وەرد ئیران لەلایەن سەربازییەو وە کردەیی کۆتایی هاتیە، و ململانێیەگە لە کۆتاییهاتنی نزیکەو بوود، وە دەسنشانکردن ئەرا ئەوە کە تاران ئارەزوو دیرێد بڕەسێدە رێککەفتن.
