دوو ئەفسەر هاناویان.. زەخمداری 9 سەرباز ئیسرائیلی وە تەقینەوەیگ لە باکوور غەززە

شەفەق نيوز/ سوپای ئیسرائیل، ئمڕوو شەممە، زەخمداری 9 سەرباز لە ئەنجام تەقیان بومبیگ دانریاگ باکوور کەرت غەززە راگەیان، وەگورەی میدیایەیل عیبری.

میدیایەیل عیبری وتن: لەناو ئەو نۆ زەخمدارە وە تەقیان مین، فەرماندەی کەتیبەی 6310 و جیگری لە لیوای 252، بویە، کە دوو ئەفسەرن، یەکیگیان وە پلەی عەقید و ئەوەکە موقەدەم.

هەرلیوا، سایتەیل ئیسرائیل خەوەردان لە رویداو رخبەریگ لە گەڕەک شوجاعیە لە غەززە ئمڕوو شەممە، وەدەس وەرخودان فەلەستینی، و فرۆکەیل ئیسرائیل زەخمدارەیل هەڵگرن.

وتنیش؛ کۆپترەیل ئیسرائیل شمارەیگ لە سەربازە زەخمدارەیل ئەرا خەسەخانەی تال ناوڕاس ئیسرائیل بردن.

کاروانیگ سەربازی ئیسرائیل هەمیشە کەفتنە وەر پەلامار وە مووشەک دژوڵ قەڵغان کە شمارەی زەخمدارەیل بەرزەو کرد.

سەرچەوەیل وتنیش؛ سوپا کۆپترەیل ئەرا گەڕەک شوجاعیە کلکرد وەگەرد رویداوەگە و تووپ وەشان.