دوكسوری سەخت و تون دەێدە لە کناراو چین و روی وەرەو پەکین کەێد
2023-07-29T07:57:16+00:00
شەفەق نیوز/ واران لە باکوور وڵات چین، ئمڕوو شەممە، دەسکردە وارین، وەگەرد رەسین گەردەلویل دوکسوری، ک یەکیگە لە قایمترین ئەو گەردەلویلەیلە ک یە چەن ساڵیگە رەسینەسە وڵاتەگە، دەسکردە رویکردن وەرەو پەکین، دویای ئەوە ک رەسیە فیلیپین و تایوان، و داد لە کناراو چین.
کەشناسی و ڵات چین وت: ناوچەی فراوانیگ ک پایتەختیش وەگەردیان کەفنە ئەگەر کارەساتەیل گەردەلویل لەی سێ رووژ بانانە، و مەترسیەیل لە ئاست ناوڕاس و بەرزە.
وتیش؛ سەختی گەردەلویل دوکسوری هەر زیایەو بوود، و هیمان تەواو نەویە، و داوا لە هاووڵاتیەیل کرد هووشیار بوون، و دویر بکەفن لەو ناوچەیلە ک رخبەری دیرن، ک هاتێ وارانەگە لەناویان بڕەسێدە ٦٠٠ ملیمەتر.
