دویەتیگ تیکتۆکەر وەناوبانگ رازی نەویە شوی وە کابرایگ بکەێد تا لە رووژ لەداڵگبوینی کوشتیەسەی

شەفەق نيوز/ پولیس پاکستان، ئمڕوو سێشەممە، دەسگیرکردن پیاییگ راگەیان وە توومەت کوشتن دویەتە تیکتۆکەر سەنا یوسف کە زیاتر لە 800 هەزار کەس لە هەژمار تیکتۆک دیرێد، چوینکە چەنیگ لەبان ئەنرێنێت  داوا لەلی کردگە شوی وەپی بکەێد هەر رازی نەویە.

ئەو تیکتۆکەرە لە تەمەن 17 ساڵان، دویەشەو دووشەممە، لەناو ماڵەگەی خوەی لە ئیسلام ئاباد کوشیا، کە لە ساڵ 2021 پایتەخت پاکستان تاوان  دڵتەزن کوشتن ژنیگ وەخوەی دی، هەناێ کابرایگ پاکستانی ئەمریکی دەوڵەمەن، سەر دویەتیگ وەناو نور مقدم بری چوینکە رازی نەویە شوی وەپی بکەێد.

وەرجە دوو هەفتە میدیایل راگەیانن باس خەوەر دەرچگن فەرمان وەسێدارەدان لەبان ئەو کابرای بکوشە بڵاو کردن.

ئمڕوو سێشەممە، سەید عەلی ناسر رەزەوی کۆنگرەیگ رووژنامەوانی بەساد، لەناو نەفرەت لەو تاوان دڵتەزن و وەحشیانە کرد کە سەنا یوسف وەدەس پیاییگ بویە قوربانی کە دینەسەی کە تا چەن ساعەتیگ لە دەورگرد ماڵەگەی گەردیە.

ناسر رەزەوی دووپات کرد کە پولیس گەنجیگ لە تەمەن 22 ساڵان خەڵک فەیسەڵ ئاباد دەسگیر کرد، کە دویای کوشتن سەنا یوسف وایە، وتیش: چەن کاریگ رازی نەویە شوی وەپی بکەێد.

 وەرجە چەن ساعەتیگ لە کوشتنی، سەنا پارچە ڤیدیۆیگ بڵاو کرد مەوقەی بڕین کێک لەداڵگبوینی.