دویای ٣٢٠ ساڵ.. وسیان کوینەترین رووژنامەی کاغەز
2023-04-20T12:42:08+00:00
شەفەق نیوز/ لە نەمسا، دەرکردن چاپ کاغەزی کوینەترین رووژنامەی رووژانە "Wiener Zeitung"، وسیا، وەرجە وەخت کەمیگ لە ئاهەنگ رەدبوین ٣٢٠ ساڵ لە دەرچگن یەکەمین چاپ رووژنامەی ڤیێنا، ک دەوڵەت نەمسا خاوەنیە.
حکومەت بڕیار وسیان دەرکردن چاپ کاغەزی ئەو رووژنامەی کوینە لە نەمسا دا، ک چاپکردنی پشت وە باجەیل مەردم بەسێد، و لە کۆتایی حوزەیران ئایندە، و کەفێدە سایت نوو رووژنامەگە لەبان ئنتەرنێت، دی بوودە ئەلیکترۆنی.
ئەو رووژنامە بویە ئەلیکترۆنی، چوینکە واز لە یاسای بڵاوکردن پرۆپاگەندەی ناچاری لە بوودجەی گشتی و بەیاننامە و راپۆرتەیل دارایی ساڵانەی کۆمپانیایل هاوریا، و دی لە بانان لەناو پلاتفۆرم نوو حکومەت بڵاو کریەێد.
