دویای ٢٠ ساڵ.. بیماری مەرگبار مەلاریا دەێد لە ئەمریکا
2023-06-27T08:08:33+00:00
شەفەق نیوز/ ناوەندەیل تەندروسی ئەمریکا وتن: پەنج تویشهاتن وە مەلاریا لە ویلایەتەیل فلۆریدا و تەکساس توومار کریا، و یە یەکەم جارە دویای ٢٠ ساڵ لە ئەمریکا ئی بیماری مەرگبارە گلەو بخوەێد.
وتنیش: ئەو چوار بیمارە لە فلۆریدا وەگەرد یەک بیماریش لە تەکساس، وەماوەی دوو مانگ ئاشکرا کریان.
لە هووشدارییگ وتن: مەلاریا تویشهاتنیگە ئامادەباشی پزشکی خوازێد، و هەر کەسیگ نشانەیل بیماریەگە وەپیەو بوی بایەتە وە زویترین وەخت تاقی بکریەێد.
باوجی هەمیش وت؛ رخ تویشهاتن وە مەلاریا هیمان لە ئەمریکا کەمە، و فرەی بیمارەیل لە دەیشت وڵاتەگە تویش هاتنە، و ٩٥ لەسەدیان لە ئەفریقا تویش بوینە.
