چەکدارەیل 5 کەس کوشن لە مەوقەی جەمەوکردن دومەڵان لە بیاوانیگ سوریا
2024-02-24T06:59:57+00:00
شەفەق نیوز/ ئاژانس خەوەری سووری "سانا"، ئمڕوو شەممە، خەوەردا پەنج هاوڵاتی مەوقەی جەمەوکردن دومەڵان کوشیانە لە ناوچەی جەب ئەلجراح لە ئاوایگ خوەرهەڵات پارێزگای حمس، وە دەس چەکدارەیلیگ کە وەبان ماتۆر بوینە.
ئاژاسەگە لە سەرچەوەیگ ئەمنی لە فەرماندەیی پۆلیس پارێزگاگە راگەیان "شمارەیگ تیرۆرست وەبان ماتۆر سکیل تەقە لە پەنج هاوڵاتی کردنە لەموقەی جەمەوکردن دومەڵان لەناوچەی جەب ئەلجەراح لە ئاوای خوەرهەڵات حمس، دەسوەجی بویەسە مدوو کوشیانیان".
دیاریکرد کۆمەڵیگ چەکدارەیل بڵاوبوینە، بڕیگیان سەر وە رێکخریاگ "داعش"ن لەناوچەیل وەعرەت لە قویڵایی بیاوان سوریا چەن جاریگە دەسدرویژی کەن وەبان هاوڵاتیەیل و دانشتگەیل دەوروگەرد بیاوانەگە وە تایوەت لە لە وەرز دومەڵان، بووینەسە مدوو کوشیان و زەخمداری شمارەیگ کەس.
