دەوڵەمەنیگ ئەمریکی بڕیگ مناڵ وەزنی ناسە چاڵ لەزیندان مەرەقەز کریەێد
شەفەق نیوز/ لە رۊداویگ بۊە قسەوباسیگ لەناو ئەمریکا، دەسەڵاتەیل کالیفۆرنیا رازی بۊن لە مەرەقەزکردن مەرجانە ئەرا پیاویگ ٧٠ ساڵان، یە چل ساڵە هاناو زیندان، وەتوومەت رفانن پاسیگ پڕ مناڵ وەگەرد رانندەگەی، و ناسەیانە ژیز زەۊ.
بڕیار مەرەقەزکردن ئەرا فریدێرک نیوهۆل وودز لە زیندان سان لویس لە کالیفۆرنیا دەرچگ، و وەرجەیە ١٧ تەقەلا ئەرا مەرەقەزکردنی پۊچەڵ کریا.
فەرمان زیندانکردن لەبان وودز دەرچگ چۊنکە دەسی لەناو رفیان ٣٦ مناڵ لە تەمەن ٥ تا ١٤ ساڵان بۊە لەساڵ ١٩٧٦، وەگەرد رانندەی پاسەگە لە نزیک چۆچیلا لە خوار سان فرانسيسكو، ک وەگەرد دوو کەستر ئەو مناڵەیلە لە ئەماریگ لە ژیر زەۊ گیر هاوردنە، ک تەنیا یەک پەنجەرەی بۊچگ لەناوی بۊە.
سێ کەسە بڕفنەگە داوای ٥ مەلیۆن دۆلار وەرانوەر مەرەقەزکردن ئەو مناڵەیلە کردنە، هەرچەن هەرسێ تاوانبارەگە لە بنەماڵەیل دەوڵەمەن بۊنە. ئەو مناڵەیلە وەگەرد رانندەگە تۊنستنە خوەیان لەو چاڵە قورتار بکەن، دۊای چەن رووژیگ لەناو ئەو ئەمارە لەژیر زەۊ.
