دەوکردن مناڵیگ رەسنێدە مەرگ.. رۊداویگ دڵ ئەمریکا شکنێد

شەفەق نیوز/ دۊتیگ ئەمریکی لە تەمەن ١١ ساڵان، لە مەوقەی دەوکردنی تا بڕەسێدە پاس مەکتەو، کەفتە ژیر پاچگ پاسەگە و گیانی لەدەسدا.  

ناوچەی گارفێلد لە ویلایەت کۆلورادۆی ئەمریکا وت: ئەنالیس باکنەر بۊە قوربانی رۊداویگ لە ناوچەی باراشوت، وەگورەی رووژنامەی دەیلی مەیل بەریتانی.   

هێزەیل پۆلیس رەسینە شۊنەگە، ک ئەو دۊتە وەکوتپڕ گیانی لەدەسدا.    

پۆلیس ناوچەگە وت: دۊتەگە داشت لە شۊن پاس مەکتەو رەنگ زەرد دەو کردیاد، ئیجا گلیا، و کەفتە ژیر پاچگەیل پاسەگە.

دەسەڵاتەیل پەروەردە لە ناوچەگە بەیاننامیگ لە مردن مناڵەگە دەرکردن، ک لە پۆل شەشەم بۊ ک وت: "یە رووژ دڵتەنگیگە ئەرا ناوچەی گارفێلد".