دەسەڵاتەیل ئیران ناخاڵەیلیگ وە توومەت بەرزەوکردن پەرچەم کوردستان دەسگیر کەن
2021-04-30T09:56:48+00:00
شەفەق نیوز/ رێکخراو «هەنگاو» ئەرا ماف مرۆڤ کورد لە ئیران، ئمڕوو جمعە، خەوەردا ک دەسەڵاتە ئەمنیە ئیرانیەیل دوو ناخاڵە لە تەمەن خوار ١٨ ساڵان ، وە توومەت بەرزەوکردن پەرچەم کوردستان دەسگیر کردن.
رێکخراوەگە لە بەیاننامەیگ ئمڕوو وت: هێزەیل ئیتڵاعات ئیرانی لە رووژەیل گوزەیشتە، دوو ناخاڵە یەکیگیان لە تەمەن ١٦ ساڵان، وەناو ئارمین ئەحمەدی، و ئەوەکە وەناو نیما حەسەنپوور لە ناوچەی (ورما) وە توومەت بەرزەوکردن پەرچەم کوردستان دەسگیر کردن.
بەیاننامەگە دیاری کرد ک دویای دەسگیرکردن دوو ناخاڵەکە، وەرەو شوین نادیاریگ بریان، و هیچ زانیاریەیلیگ لە چارەنویسیان نییە.
