دەیان کەس کوور کرد.. پاکستان دەرمانیگ لەبازاڕەیل کیشێدەو
2023-09-24T12:57:30+00:00
شەفەق نیوز/ نەدیم جان وەزیر تەندروسی پاکستان، ئمڕوو یەکشەممە، دووپات کرد کە دەرمانیگ لەبازاڕەیل کیشاسەو، بویەسە مدوو درم سەختیگ لە چەو و کووربوین لەلای بیمارەیل شەکرە لە هەرێم بنجاب، و داوای دەسکردن وە لێکۆڵینەوە کرد، لە وەختیگ پولیس مینەی هاوردەکەرەیل کەێد.
وەزیر تەندروسی پاکستان دووپات کرد کە سکاڵا لەبان دووان لە هاوردەکارەیل توومار کریایە لەوانەگ دەرمانیک وەناو (ئەڤاستین) هاوردنە.
وتیش: حکومەت بنجاب دەسەیگ لە ٥ پسپۆڕ دروس کرد تا بکەفنە شوین کارەگە، و وەماوەی ٣ رووژ راپۆرتیگ پیشکەش بکەن.
جەماڵ ناسر، وەزیر تەندروسی لە هەرێم بنجاب وت: بیمارەیل شەکرە لە لاهور و کاسور و ناوچەیلیگ ترەک دەرزی ئەڤاستین دەن ئەرا چارەسەرکردن تووڕ چەو.
دیاری کرد کە دەرمانەگە هەوکردن رخبەریگ دروس کرد، کە بویە هووکار کوربوین دەیان لە بیمارەیل.
