دۊیای پەنج ساڵ لەزیندان.. مەرەقەزکردن خانمە سەرۆک وەرین کۆریای باشوور
شەفەق نیوز/ دەسەڵاتەیل کۆریای باشوور، ئمڕوو جومعە، ئازاد بارک کون خانمە سەرۆک وەرین کۆریای باشوور کردن، دۊیای پەنج ساڵ لە زیندانی.
وەگورەی ئاژانس رۆیتەرز، ئەو مەرەقەزکردنە دۊیای نزیکەی پەنج ساڵ هات ک لەزیندانی گوزەرانی کرد، لەوەر تاوانبارکردنی وە گەندەڵی، ک بۊیە قسەوباسیگ ک ئایا لە هەڵبژاردن ئادار ئایندە دەوریگ بڕانێد.
بارک ٦٩ ساڵان، یەکەم سەرکردە بۊی ک وەشیوەی دیموکراتی لە وڵاتەگە وە هەڵبژاردن پەسەن کریا، تا لەساڵ ٢٠١٧ دادگای دەستووری وە دەنگدانیگ پەرلەمانی بڕیار دەرکردنی لەپۆستەگەی دا، لە رسواییگ هیشت سەرکردەی دوو فراکسیۆنیش زیندان بکریەن ک خوەیان سامسۆنگ و لوت بۊین.
دادگای باڵای کۆریای باشوور ئەو مەوقە بڕیار ٢٠ ساڵ زیندانی لەبان بارک دەرکرد، وەتومەت وەرگردن دەیان ملیار لە کۆمپانیایلە.
