خوەنەواریگ دوو ژن لەناو مەکتەو کوشێد

شەفەق نیوز/ پۆلیس سوید راگەیان دوو ژن وە چەک چەرمگ، رووژ دووشەممە، لەناو مەکتەو ناوەندی لەشار مالمو کوشیان، و گومان هەس خوەنەواریگ ١٨ ساڵان ک بەندی کریایە، ئەو تاوانە جیوەجی کردیە. 

پۆلیس لەبەیاننامەیگ وت: یەکیگ لەو ژنەیلە هالە تەمەن ٥٠ ساڵان، و هەردوگیا لەمەکتەو ناوەندی مالمو لاتین فەرمانبەر بۊن. 

وەگورەی میدیایل ناوخۆیی، بکوشەگە  خوەی تەلەفۆن پۆلیس کردگە تا شۊن خوەی نشان بەێد، وتنیش: چەکەگەی فڕە دا وئاشکرای کوشتن دوو ژنەگە کرد.  

وەگورەی میدیایل سویدی، گەنجەگە چەقوو و تیشە وەپی بۊە، و پۆلیس وەئاسانی ئەو خوەنەوارە دەسوەسەر کرد.  

و تا ئیسە دیار نیە ئەڕا ئی دوو ژنە کوشتیە.