حزبولڵا رازی نییە چەکی بەێدە دەس: ئامادەیمن ئەرا رویوەڕویبوین وەرد دەوڵەت
شەفەق نيوز- بەيروت
سەرچەوەیل لوبنانی، ئمڕوو چوارشەممە، خەوەردان کە باڵ سەربازی حزبولڵا ئاگادار نەبیه بڕی سەرۆک ئەنجومەن نوێنەرەیل کرد کە چەکی وەدەس نیەێد، و ئامادەس ئەرا رویوەڕویبوین وەرد دەوڵەت ئەگەر ئەوە خوازێد.
سایت العربية/ الحدث خەوەری لە سەرچەوەیلیگ لە حزبولڵا وت: حزبەگە ئاگادار بڕی کردگە کە ئەگەر ئیسرائیلیش لە لوبنان دەرچگ ئەو چەکی وەدەس نیەێد، دووپاتیش کرد کە ئامادەس ئەرا رویوەڕویبوین ئەگەر دەوڵەت لوبنانی ئەوە بخوازێد.
دیاری کرد کە بڕی خەوەردار تۆم باراک کلکریای ئەمریکا کرد کە نیەتوەنێد پەیمان بەێد وە بیچەککردن حزبولڵا لە باکوور چەم لیتانی، وتیش: تویڕەیی لەناو دەوڵەت لوبنان هەس وەرانەور رکداری حزبەگە لەبان گوماکردن دەرفەتەگە.
وەرجەیە، تۆم باراک کلکریای ئەمریکا دووپات کرد کە چەک حزبولڵا کاریگ لوبنانی ناوخوەییە، لە وەختیگ واشینتۆن وەردەوامە لە زوورهاوردن وەبان دەسەڵاتەیل ئەرا بیچەککردنی دویای جەنگیگ خویناوی وەرۆ ئیسرائیل، کە بەش گەورەیگ لە جەبەخانەی سەربازیی و شمارەیگ لە سەرکردەیلی لەناودا.
