جموجویلیگ لە ئەمریکا تا نەیلن ترەمپ بەێد لە ئیران
شەفەق نيوز – واشینتۆن
میدیایەیل راگەیانن ئەمریکا، خەوەردان کە ئەنجومەن پیرەیل ئامادەکاری کەێد ئەراک دەنگدان لەبان پڕۆژەی یاساییش کە دەسەڵاتەیل سەرۆک لە پەلاماردان سەربازی وەبان ئیران وەبی رەزامەنی کۆنگرێس.
یەیش دویای دزەکردن ختوورەیل ژیروەژیر تیەێد لەباوەت گورزەیل دویایین وەبان دامەزراوەیل ئەتۆمی ئیران، کە بەشەوبوین تیژیگ ناوەین ئەندامەیل ئەنجومەن پیرەیل ناوەین کۆماری و دیموکرات، لەناو مشتومڕیگ لە ئاست کارایی ئەو گورزەیلە و ئامانجەیل ستراتیژیەییان.
لە وەختیگ کۆماریەیل ئەو گورزە وە پشتشکن باسی کەن لەبان دامەزراوەیل ئەتۆمی ئیران، دیموکراتیەیل وتن: خەوەرەیل نادیارییگ زیاتر دروس کردن، و بەشیگیان گومان لە پلانیگ دیار و ئاشکرا لە دەرئەنجام گورزەگە دیرن.
سیناتۆر کۆماری ليندسی گراهام وت: گورزەیلە لەناوبردن کارا بوین ئەرا دامەزراوەیل ئەتۆمی ئیران، لە وەختیگ سیناتۆر تۆم كوتون دووپات کرد کە ئۆپراسیۆنەگە سەرکەفتنیگ نائاسایی کارەساتی رەسانە ژیرخانەیل بەرنامەگە.
دیموکراتیەیل گومان لەی قسەیلە داشتن کە سیناتۆر كريس مۆرفی وت: زەردەگە وەختانە دیارە و لە چەن مانگیگ زیاتر نییە، وەگورەی هەڵسەنگاندن سەرتایی لەلایەن ئاژانس هەواڵگری وەرگری، کە لەلایەن واشینتۆن پۆست بڵاو کریا.
لە وەختیگ ئیدارەی ترەمپ رازی وەی هەڵسەنگاندنە نەوی، و باسی وە بڕاوایی لاواز کرد، وەرانوەر ئەوەیش هەڕەشەی کەمەوکردن بڕ هاوردن و بردن هەواڵگری وەرد کۆنگرێس کرد.
چاک شۆمر ریبەر کەمینەی دیموکرات رەخنەی تیژیگ کرد، کە وت: ستراتیژیگ و نەیش ئامانجیگ نەیش پلانیگ ئاشکرا هەی.
