تووقیان "مین" گیان زاڕووێگ گرت

شەفەق نیوز/ تووقیان مینێگ دە شارستان دێهڵڕان دە سنوور ئوستان ئیلام، گیان زاڕووێگ دە ساڵان گرت. 

"مەنووچێهر مەکی" سەرپولیس شارستان دێهلوڕان وت: ئی زاڕووە ک لە بنەماڵەێل کووچڕۆو بییە  دە ناوچەێ ئەبوو غۆوەیر" دە پەڕ سنوور ئێران و عراق، وەرەلەوانی کردگەو و ریەنەگەیان بردگە ئەڕا لەوەڕ ئوو هە دەو هەنسا، دە نام ئەو قوڕخ ئەنەخوەردە تووش مین هاتگە و تووقیان مینەگە زامدارێ کردگە و تڵاشەێلێ ک لە تووقیان ئی مینە دەرچگە و دریاگە ئەڵە سینەێ ئەوی کوشتگەسەێ. 

هەر چەن ک یە، سێ چوار دەهەسە لە شەڕ نامنی ئێران و عراق دچوو، هێمانیش هەم تووقیان مین، فره لە عەشایر ئیلامی زامدار دکەێگ و دکوشێ.