تورکیا.. خانمە ئەندازیاریگ هاوڕێ خوەی کوشێد و خوەی دەێد وە دەس پۆلیس و چەقوویش وە دەسیەوە بویە
ئشەفەق نیوز/ لە رویداویگ ئەلاجوی و تاوانیگ کە شۆککەربوی ئەرا گشتی، خانمە ئەندازیار گەنجیگ ئەرا بنکەی پۆلیس ولایەت کوجایلی نزیک ئەستەنبول لە خوەرئاویای تورکیا چگە، تا بچوودە ژبر تاوان کوشتن هاوڕێگەی لە دویای چەن جار لێدان وە چەقوو.
پۆلیس زوی دانوەپیدانان ئەندازیارە تەمەن ٣٤ ساڵەگە پشتڕاسکرد هەنای تەرم خویناوی هاوڕێیەگەی وە ناو زێلیڤ تەمەن ٣٩ ساڵ لە ماڵ بکوشەگە لە ئەستەنبوڵ پەیاکرد.
دەزگا راگەیاننەیل ناوخوەیان وتن، قوربانیەگە دە چەقوو دریاس لە زگی وە چەقوو ئاشپەزی وەرجە ئەوەگ گیان لەدەس بەێد.
قوربانییەگە جویر هەمیشە سەردان ماڵ هاوڕێە بکوشەگەی کرد، وەرجە ئەوە بکوشیەێد وە هووکاریگ تا ئیسە لای پۆلیس نادیارە.
تاوانەگە لە رووژ جومعەی گوزەشتە رویدایە، باوجی بکوشەگە وە چەقووە ماڵ وەجیهیشتیە، ئەرا لای خێزانەگەی لە ولایەت "کوجایلی" نزیک گەشتکردی، وەرجە ئەرەگ روی بکەێدە بنکەی پۆلیس و بچوودە ژیر تاوانەگەی.
لێکۆڵەرەیل لەو باوەڕەن ئەندازیارەگە کە پسپۆڕە لە بیرکاری کارپێکراو، وە نهێنی مادەی هووشبەری وەکارهاوردیە. ئەو وە لێکۆڵەرەیل وتیە ها هویری تاوانەگە ئەنجام دایە باوجی نیەزانێد ئەرا چە.
