تویشهاتن ژنیگ وە ئاوڵەی مەیمون لە هند
شەفەق نیوز/ دەسڵاتدارەیل هندی، ئمڕوو پەنجشەممە، یەکەم تویشهاتن ژنیگ وە ئاوڵەی مەیمون راگەیانن ک لە ئەفریقا گلەوخواردیە.
دەزگایەیل راگەیانن باس لەوە کردن، ژنە نەیجیریەگە 31 ساڵانە، یەیش یەکەم تویشهاتن ژنە لە هند توومار بکریەێد، و چوارەمە لە دلهێ و نۆیەمە لە کووی وڵاتەگە.
وەگورەی زانیاریەیل ئەو ژنە لەماوەی 21 رووژ کۆتایی هویچ گەشتیگ ئەرا دەیشت وڵات ئەنجام نەیایە، لەهەمان وەخت ئەو چوار کەسە لە دلهێ تویشهاتنیان توومارکریایە هویچ گەشتیگ ئەرا وڵاتەیلتر ئەنجام نەیانە.
تا ئیسە، ئەو پەنج پسایەی لە ولایەت "کیرالا" توومارکریایە پیشینەی گەشتکردن ئەرا ئیمارات یەکگرتوی عەرەبی دیرن.
یەیشە سێیەم هاوڵاتی نێجیریە لە دلهی تویشهاتنی تووماربکریەێد وەگەرد هەبوین کەسیگتر ک گومانکریەێد تویشبویە، ئەرا خەسخانەی لوک نایاک لە دلهی کلکریایە.
لەهەمان وەخت هویچ پەیوەندیگ لەمابەین ئەو چوار نەیجیریە نییە، هەریەکەیان لە ناوچەیل جیاواز لە دلهێ زندگی کەن.
