٨٠ تویشهاتن ئاوڵەی مەیمون لە 12 وڵات جیاواز توومار کریا
2022-05-22T12:21:07+00:00
شەفەق نیوز/ وەپای هەواڵیگ ک لە ماڵپەڕ "بی بی سی" بڵاوکریایە نزیکەی 80 پسای نوو ئاوڵەی مەیمون لە نۆ وڵات جیاواز وڵاتەیل ئەوروپا وەگەرد هەریەک لە وڵاتەیل ئەمریکا، کەنەدا و ئوسترالیا توومارکریایە.
رێکخریاگ تەندروسی جەهانی راگەیانیە، گومان هەس 50 تویشهاتن دیکەش بوود لە ئیرنگە لێکۆڵینەوە لە بیماری ئاوڵەی مەمیمون کریەێد ک وە گشتی وڵاتەیل ناوەڕاس و خوەرئاوای ئەفریقا هەس، بیماریەگە وە دەگمەن بڵاو بوود تویشبویگە لە ماوەی چەن هەفتەیگ خاسەوبوود.
ئاوڵەی مەیمون بیماریگ ڤایرۆسی دەگمەنە و نیشانەیلی بریتین لە بەرزبوین پلەی گەرمی لەش و ژانە ماسیلچە و گەورەبوین لیمفەگرێگان و دروستبوین توقاڵە لەبان پووس دەس و پا، بیماریەگە وە ئاسانی لە کەسیگەو ئەرا کەسیگتر نیەڕەسێد، وئاست مەترسیەگەیشی نزمە.
