ترەمپ: ئیسرائيل و ئيران ئاگربەسی شکانن و لە هەردوگیان رازی نییم
شەفەق نيوز/ دۆناڵد ترەمپ سەرۆک ئەمریکا، ئمڕوو سێشەممە، باس نارەزایی لە ئیران و ئیسرائیل کرد لەوەی شکانن ئەو ئاگربەسیە کە لە وەخت زوییگ شەوەکی ئمڕوو سێشەممە راگەیان.
ترەمپ لە قسەیلی ئەرا رووژنامەنویسەیل وەرجە رویکردنی وەرەو لاهای وت: توانایەیل ئەتۆمی ئیران کۆتایی وەپیان هات، دویای پەلامارەگەی ئەمریکا وەبانیان.
وتیش: ئیران قەت وەپی نیەکریەێد دووارە بەرنامەی ئەتۆمیی دروس بکەێد، چوینکە ئی شوینە وەتەواوی ویران بوی.
ترەمپ وتیش: ئیران و ئیسرائیل ئاگربەسی شکانن، و م لەلییان رازی نییم، و بایەسە ئارام بگرن.
سەرۆک ئەمریکا وتیش: رەوشەیل خوەرھەڵات ناوڕاس خاسترەو بوود، و سعودیە کار خاسیگ کرد لەی باوەتە، و کارەگە فرەتەر لە مەزەنەکردنم لە ناوچەگە وەرە نوا چوود.
ترەمپ دووپات کرد کە بایەسە ئیسرائیل ئارام بگرێد و بایەسە ئەرا ئی کارە بڵاکیەیمن، و لەبان ئەوە قسە وەرد نەتنیاهو سەرۆک وەزیرەیل کردمە، وتیش: ئیسرائیل دویای ئاگربەسی بومب وەشان.
سەرۆک ئەمریکا وە ئیسرائیل وت: فڕۆکەوانەیلدان وەکوتپڕ ئەرا شوینەیل خوەیان گلەو بیەن، و بومب وەبان ئیران نەوەشنن.
