تاران هوشداری دەێدە عراق و 5 وڵات لە دەسمیەتیدان واشنتۆن ئەرا پەلاماردان ئیران
شەفەق نیوز/ ئاژانس ڕۆیتەرز، ئمڕوو یەکشەممە، ئاشکرا کرد کە عراق و پەنج وڵات ترەک ناوچەگە هوشداریی ئیران وەپییان رەسیە لە پشتیوانی لە هەر پەلاماریگ ئەمریکی وەبان ئیران، کە ئاسمان یا هشکاییان وە کەڵک بارن.
ڕۆیتەرز لە زار وەرپرسیگ باڵای ئیران وت: “ئیران داواکارییەگەی دۆناڵد ترەمپ، سەرۆک ئەمریکا ئەرا ئەنجامدان دانوسەنین ڕاستەوخۆ رەتکەێد، و خوازێد لە ری سەڵتەنەتی عومانەو وەردەوام بوود لە دانوسەنین ناڕاستەوخۆ” وتیش؛ “دانوسەنین ناڕاستەوخۆ دەرفەتیگ دروس کەێد ئەرا هەڵسەنگاندن ئاست جددیەت واشنتۆن لە چارەسەری سیاسی وەرد ئیران”.
ئەو وەرپرسە دووپات کرد کە "ئیران ئاگادارییگ ئەرا عراق، کوەیت، ئیمارات، قەتەر، تورکیا و بەحرەین کلکردیە کە هەر پشتیوانییگ ئەرا پەلامار ئەمریکا وەبان ئیران، لەوانەیش وەکارهاوردن ئاسمان یا خاک ئەو وڵاتەیلە لەلایەن سوپای ئەمریکاو لە پەلاماری، وە کردەوەیگ دوژمنکارانە دریەێدە قەڵەم".
