تەهران لەوەر قەیران ئاو ئاودەسەیل گشتی بەسێد

شەفق نيوز- تەهران

دەسەڵاتەیل تەهران پایتەخت ئیران، ئمڕوو شەممە، بڕیاریگ دەرکردن وە بەسانن شمارەی گەورەیگ لە ئاودەسەیل گشتی، لە گامیگ ئەرا کەمەوکردن وەکارهاوردن ئاو وەگەرد رەوشەیل کەشوهەوای سەختیگ و بڕیان لە خزمەتگوزارییەیل سەرەکی.

ئاژانس "ديدبان ئيران" ئیرانی رەخنە لە حکومەت گرد لەوەر بیبەشبوین دانیشتگەیل لە چشتیگ سەرەکی وە بڕیان ئەو خزمەتگوزاریە.

ئیدارەی شار تەهران هیچیگ لەبان ئەو راپۆرتەیلە نەوت، وەلێ وەچەودیەیلیگ دووپات کەن کە فرە لە ئاودەسەیل گشتی بەشیان، وەگەرد ئەوانەیش لەناو ویستگەی میترو.

وەگورەی مەزەنەیل نزیکەی 20 هەزار ئاودوس گشتی لە ناوچەی تەهران گەورە هەس.

 قەیران وزە و ئاو بویە سەرچەوەی نیکەرا سەرەکی ئەرا ئیرانیەیل، و لە بەشیگ لە ناوچەیل تەهران و 50 شار ترەک تا ماوەی 48 ساعەت ئاو بڕیا.

 بڕیان کارەبایش تا ساعەتەیل درویژیگ هیلێد سەردەوکەرەیل کار نەکەن وەگەرد رەسین پلەی گەرمی ئەرا 40 و50 پلەی سەدی.