تەندروسی جەهانی باس مەزەنەی رخبەریگ لە ئۆمیکرۆن کەێد
شەفەق نیوز/ ڕیخریاگ تەندروسیی جەهانی مەزەنە کەێد زیاتر لە 50% دانیشتگەیل ئەوروپا تۊیش ئاڵشبۊی ئۆمیکرۆن تیەن.
هانس کلۆگە وەڕێەوەبەر ناوچەی ئەوروپا ڕیخریاگ تەندروسیی جەهانی وەئاژانس فرانس پرێس راگەیان، ئەو ڕێژەیە لەماوەی دوو مانگ لە تۊشهاتن وە کۆرۆنا تۆمارکریایە ڕێژەی بەرزیگە و بڵاوبۊین زنجیرەگە وەو ئاستە تائیسە وەردەوامە.
وەگورەی وەرپرسەگەی ڕیخریاگ تەندروسیی جەهانی، وەردەوامیی بڵاوبۊین ڤایرۆسەگە وەی ئاستەی ئیسە لە شەش ئەرا هەشت هەفتەی ئایندە زیاتر 50% هاوڵاتیەیل ئەوروپا تۊیش ئاڵشتبۊی ئۆمیکرۆن تیەن.
هوشداری دریەێد کە سیستم تەندروسی ئەوروپا لەوەر ئەو شەپۆل سەنگینە رۊیوەرۊی فشاریگ بیوەریگ بوودەو.
وەگەرد بڵاوبۊین زۊینەی زنجیرە نووەگە شارەزایەیل پزیشکی ئۊشن؛ کیشوەرە پیرەگە رەسێدە لوتکەی تۊیشهاتن لەوەر ئەوەگ شمارەی تۊیشبۊین وە جۊر فرە زۊییگ بەرزەوبوود.
لە وەختیگ لە دو رووژ گوزەشتە وڵات فەرەنسا زیاتر لە 300 هەزار تووشبۊی وە ئۆمیکرۆن توومارکردیە، ئەوەیش شمارەیگ پەیمانەییە لەسەرەتای سەرهەڵدان پەتاگە تا ئیسە.
