تەمەنی ١٣ ملیار ساڵە.. جێمس وێب کوینەترین گەلەهەسارەیل لە کەنار گەردوون کەێدە دی
2022-12-15T11:54:13+00:00
شەفەق/ زانایل گەردوون پەیمان وە نووڕین کەنار گەردوون دان، و پەیمان خوەیان نەشکانن، ك وە تەلیسکۆپ جێمس وێب وە تیشک خوار سوور، کەنار گەردوون نشان دریا.
جێمس وێب وینەیل کوینەترین چوار گەلەهەسارە ئەرا زەوی کل کەێد، ک لەو بەش فرە دویرە لە گەردوون دیار دەێد، و هویچیگ لەوە دویرتر دیار نییە.
ئەرا یەکەمین جارە، زانایل توەنستن ئەو گەلەهەسارەیلە بوینن ک دویای تەنیا ٣٥٠ مەلیۆن ساڵ دویای تەقینەوەی مەزن دروس بوینە
برانت رۆبێتسون زانای گەردوون لە زانکۆی کالیفۆرنیا لە سانتا کرووز وت: وە شیوەیگ خەیاڵی دویرە، و بیگومان رووبەر ناوبەینەگە دیاری کریا.
ئیما کورتیسمان خانمە زانای گەردوون لە زانکۆی هیرتفوردشایەر بەریتانیا وت: لە سوومای تەلیسکۆپەگە ک وینەی گردیە زانستیمن ک ئەو گەلەهەسارەیلە درووکانی نییە، باوجی کەفتیەسە کەنار ئاست نووڕینمان، واتە کەمیگ لە نووڕین تەلیسکۆپ هابڵ دویرترە.
