تەقینەوەیل گەپیگ.. ئیسرائیل دەسکردە پەلامارداین فراوانیگ لەبان تەهران
شەفەق نیوز/ سوپای ئیسرائیل، شەوەکی ئمڕوو چوارشەممە، راگەیان، دەسکردیە وە پەلامارداین فراوانیگ لەبان تەهران، دویکەل لە فرەیگ ناوچەیل بەرزەوبوود، وەپای دەزگا راگەیاندنەیل.
سوپای ئیسرائیل وت: زنجیرە گورزیگ ئەرا تەهران وشاننە.
دەزگا راگەیاننەیل ئیران خەوەردان، تەقینەوە لە دەوروگەرد تەهران رویداس دویکەڵ لەلی بەرزەوبوود.
عەلی خامنەیی، رێبەر باڵا شۆڕش ئیسلامیی ئێران لە شەوەکی شەفەق ئمڕوو چوارشەممەدا راگەیان ئەوە "سەرەتای جەنگە"، هاوکات وەرد وشانن مووشەک فراوانیگ وەلایەن ئیرانەو ئەرا بان شارەیل ئیسرائیل دیارترینیان تەلئەبیب و حەیفا.
ناوبریاگ لە پۆستیگ لە هەشماری تایبەت خوەی لە تویتەر کە وە زوان فارسی نویسانییە، ئوشێد؛
"به نام نامی #حیدر، نبرد آغاز میگردد علی با ذوالفقار خود، به #خیبر باز میگردد"
ئەڵگەردانەگەی: "وە ناو حەیدەرەو جەنگ دەس وەپی کەێد... عەلی وە زولفەقار ئەرا خەیبەر گلەوخوەێد".
بڵاوکردن پۆستەگە هاوکات بوی وەرد پەلامارە مووشەکییەیل قورسیگ ئیران لە دژ چەن شاریگ ئیسرائیل جویر تەلئەبیب، حەیفا، ئەسدود و بئر سەبع،. دەسەڵات پەخش ئیسرائیلی راگەیان، "دەیان مووشەک لە چەن ئاراستەیگ وشیاس" و "ڕاپۆرتە سەرەتاییەیل دیاریکەن کە یەک یا دوو مووشەک لەشوینەیل ناوڕاس ئیسرائیل وەخوارکەفتیە".
لە وەرانوەر ئیسرائیل سیستەم بەرگیری ئاسمانیەگەی لە تل ئەبیب و چەن ناوچەیگ خستەکار، لەناو دەنگ تەقینەوەیل کە لە ئەنجام رێگری مووشەک و فڕین خەسیگ فڕۆکە جەنگییەیل دروس بوود.
