تەقەلایگ ئەرا قورتارکردن ژینگە لە پیسبوین پلاستیک
بەیانامەیگ لە وەزیرەیل گرووپ هەفت دەوڵەت دویای گفتوگۆیگ تا دوو رووژ، لە شار سابورو باکوور یابان وتن: ئیمە پابەندیمن وە لەناوبردن پیسبوین پلاستیکی تا پلەی سفر وەگەرد سەرساڵ ٢٠٤٠.
وەرجەیە، ئەڵمانیا و فەرەنسا و کەنەدا و یەکێتی ئەوروپا پەیمانیگ وەیجویرە لە ساڵ گوزەشتە دان، وەلێ یە یەکەمین جارە ئەندامەیل گرووپ هەفت دەوڵەت کەیابان و ئەمریکا و ئیتالیا چینە ناویان، مەوقەیگ ئەرای دیاری بکەن، ک وتن کەفێدە ٢٠٤٠.
لەلای خوەییش، دومیت کامل پسپۆر ژینگە، سەرۆک ژینگەی جەهانی، ک بارەگای کەفێدە بەیروت، لە وتارەیلی نرخدار ئەو هەڵمەتە کرد وەلایەن گرووپ هەفت دەوڵەت، وتیش: ئامانج سەرەکی ئەوەسە ک ستراتیژیایگ ژینگەیی ئەرا لەناوبردن گشت شیوەیل پیسبوین پلاستیکی تا ساڵ ٢٠٣٥ یا ٢٠٤٠ دانریەێد.
ئەو بەیاننامە، پابەندبوبت تەواو وە لەناوبردن پیسبوین پلاستیکی دیاری کرد، ک لە بڕەیل دیوکسین تیەێد، ئەوەیش گەناڵخەی پلاستیک دروسی کەێد.
پابەندی وەی کارە، تا پیسبوین پلاستیکی بڕەسێدە سفر لە ساڵ ٢٠٤٠، خوازێد گشت کەرەستەیل پلاستیک لەوانەگ زەرەد وە ژینگە رەسنن ئاڵشت وە چشتەیلیگتر بکریەن، وەگەرد داناین پلانیگ ئەرا قورتاربوین لە گشت پلاستیک وەشیوەی نوویگ.
